.
0:58 AM ეგვიპტელმა გოგონამ `შიშველი პროტესტით~ ინტერნეტი ააფეთქა | |
`არაბული გაზაფხულის~ მიუხედავად, ეგვიპტე კონსერვატიულ მუსლიმანურ ქვეყნად რჩება. ამ გარემოში `ლიბერალური შეხედულებების ინდივიდულალისტმა~ გოგონამ თავისებური რევოლუცია განახორციელა. მან მთელ მსოფლიოს თავისი შიშველი ფოტოები აჩვენა. ამ ფაქტმა ინტერნეტ-თანამეგობრობა ააფეთქა და დასავლური მასმედიის ყურადღება მიიპყრო. პროვოკაციას კონკრეტული მიზანი ჰქონდა: ის შეაფასეს როგორც `დარტყმა ეგვიპტურ საზოგადოებაში გავრცელებულ რასიზმზე, პირმოთნეობაზე და სექსუალური ძალადობაზე~, - წერს იტალიური `ლა რეპუბლიკა~. დასავლელ ჟურნალისტებს 20 წლის სტუდენტის `გმირობით~ აღტაცების საფუძველი ნამდვილად აქვთ: მაგდა ალია ელ-მაჰდიმ თავის ბლოგში განთავსებულ ღია ფოტოებზე ასეთი წარწერა გააკეთა: `მე ნებისმიერ ადგილას, თავისუფალი ცხოვრების უფლება მაქვს;…ბედნიერი ვარ, როდესაც თავს აბსოლუტურად თავისუფლად ვგრძნობ~, - წერს ინგლისურენოვანი ეგვიპტური გაზეთი `ალ მასრი~. მაგდა ქაიროს ამერიკული უნივერსიტეტის სტუდენტია და 16 წლიდან თავს სამოქალაქო ცხოვრების მომხრედ, ვეგეტერიანელად და ათეისტად წარმოაჩენს. ის `დარწმუნებული ფემინისტია~, - წერს იტალიური გამოცემა. სტატიაში ეგვიპტელის მისწრაფებებია ჩამოთვლილი: ის თვითგამოხატვის თავისუფლების მომხრეა, გამომსახველობითი ხელოვნების ფაკულტეტზე შიშველი მოდელების აკრძალვის წინააღმდეგ გამოდის, რომელიც ჯერ კიდევ 1970-იან წლებში შემოიღეს, ასევე არქეოლოგიური ობიექტებიდან და წიგნებიდან შიშველი სკულპტურების გაქრობის წინააღმდეგ. აღსანიშნავია, რომ ფეისბუქზე ეგვიპტელი საკუთარ თავს ლოლიტასაც უწოდებს. ამით ის საკუთარი სექსუალობის ხაზგასმას ცდილობს. სიახლე გადმოტანილია ჟურნალ სარკედან www.sana.ge
| |
| |
სულ კომენტარები: 0 | |